Agorreko Santikutzetarako pixka bat falta den arren, Jai Batzordea etxeko lanak eginda joango da oporretara. Izan ere, prest daukate Agorreko Santikutzetarako jai egitaraua. Eta ekintza nagusien artean, Zea Mays taldearen kontzertua dugu nabarmentzekoa.
Bilboko rock taldeak irailaren 13an joko du, larunbata, 23:30ean, Euskal Herria plazan. Hamahiru kantuk osatzen dute Da euren azken diskoa, eta horiek nahiz lehenagoko kantu ezagunak entzuteko aukera izango dute Legazpira joaten diren zale guztiek.
