Urteroko zita dugu honakoa. Bertan Korosti Dantza taldeko kideek urtean zehar han eta hemen eskainiko duten dantza ikuskizuna aurkezten dute legazpiarren aurrean.
Aurtengo ikuskizunean garai bateko lanbideak izango dituzte gai.
Lanbroan Ahaztuak, Dantzan Piztuak
Bizimodua eta ohiturak aldatzen doaz eta lanbideak ere urteen poderioz aldatzen joan dira. Orain dela gutxira arte ohikoak ziren lanbideak desagertu egin dira edo desagertzear daude eta horixe da aurtengo jaialdiaren gaia. Garai bateko lanbideak irudikatzen joango gara dantza desberdinen bidez: iruleak, garbitzaileak, koltxoneroak, txorrotxaileak….oholtzara ekarriko ditugu pertsona helduek euren ume-gaztaroa gogorarazteko eta gazteei lehengo bizitza zein gogorra zen ezagutarazteko.
Ohi bezala dantza taldeko kideez gain, 4 urtetik 47 urte bitarteko dantzariak, izango da gonbidaturik ere eta zuzeneko musikak ere protagonismo berezia izango du.
Sarrerak aurrez abenduaren 20tik aurrera eskuratu ahal izango dira Urbeltz Tabernan.
Adi!! Aforoa mugatua izango da.
