Eta Gabonetan zer?lelopean, Legazpiko Nerabeentzako Zerbitzuak hainbat ekintza antolatu ditu 11 eta 16 urte bitarteko nerabeentzat.
Urola Garaiko Berdintasun arloarekin lankidetzan, abenduaren 20an hasiko dira berdintasunari buruz gogoeta egiteko hileko saioak. Abenduaren 21, 22 eta 26an Gazte-txokoko pareta ezberdinak margotuko dira. Jarduera horiek nerabeen talde zehatz batzuekin egingo dira.
Abenduaren 27an merendola bat antolatu da DBHko 1.mailako neska-mutilentzat, 17:30etik 19:00etara. Abenduaren 28ko arratsaldetik 29ra, gaubela izango dute Gazte-txokoan. Urtarrilaren 2an, Nerabeentzako Zerbitzuak 21 urte beteko ditu eta pizza bazkaria eta bingoa egongo da. Urtarrilaren 3an Urbileko Kosta Jump-era joango dira.
Izen-ematea
Merendolan, gaubelan, pizza bazkarian eta irteeran parte hartzeko izena eman behar da.
Izen ematea bi egunetan egingo da:
- abenduak 11 (asteazkena) eta 12 (osteguna), 14:30etik 18:30era, Gazte-txokoan
Bestalde, abenduaren 18an eta 19an ohiko dinamika eskainiko da. Abenduaren 25ean eta urtarrilaren 4 eta 5ean ez da zerbitzurik eskainiko.
Ekintza bereziak egingo diren egunetan, ez da ohiko zerbitzua eskainiko.
