Abenduaren 24a, aurten asteartea, Gabon erronden eguna izaten dugu.
Aurtengoan ere, goizean ikastetxeen erronda izango dugu, 11.00tan Laubidetik abiatuko delarik, HAZ (Herritarren Arreta Zerbitzua) bulego aurrean, eta ondorengo geldiunean izango ditu:
- Meazti
- Osasun zentroa
- Elizondo taberna
- Euskal Herria plaza.
Errondaren amaiera 12.30-13.00ak inguru izango da. Eguraldi txarra egingo balu 12.00tan azokan elkartuko dira zuzenean.
Arratsaldean berriz, Lekanazpi elkarteak sustaturik, Erronda herrikoia egingo da.
Horra, horra... badatoz Olentzero eta Mari Domingi Korostiaga menditik barrena...
Olentzero eta Mari Domingiren lagunek bidea argituko diegu, Legazpin bizipoza eta ilusioa bana dezaten.
Erronda zirraragarria izan dadin, herritarren laguntza beharko da. Gogoz eta prest egonez gero, agertu 17:30ean Goierri taberna parera.
- Irteera: 17:45ean Goierri taberna.
- Amaiera: 19:30ean Gernika plaza.
OSASUNA ETA BIZIPOZA!
