Datorren abenduaren 31an, arratsaldeko 17:00etan Legazpiko San Silbestre Lasterketa herrikoia ospatuko da 5. urtez. 16 urtetik gorako pertsonek parte hartu ahalko dute eta 2 modalidade egongo dira: lasterketa indibiduala edo bikotekoa. Mozorroturik parte hartzeko aukera ere egongo da, mozorro onenak saria izango duelarik.
Ibilbideak 4,6 Km izango ditu eta Kale Nagusian izango du irteera eta helmuga.
Izen ematea abenduaren 30erarte egongo da zabalik www.kronoak.com web gunean. Ordaindu beharrekoa: 6€ partaideko. Partaide kopurua mugatua da beraz, gehienekora iritsi ezkero, izen ematea lehenago itxiko litzateke.
Lehen sailkatuentzat, Ane Urzelai Legazpiarrak diseinaturiko sariak egongo dira eta gainontzeko partaideen artean sari ezberdinak zozketatuko dira.
Animatu eta parte hartu, lagunartean, famili artean, bakarka…helburua ondo pasatzea eta Legazpiko kaleak alaitzea da, urtea festa giroan amaituz!
