Lehiatzeko auto eta motoen erakusketa izango dugu larunbata honetan (hilak 21) Legazpiko kale Nagusian. Dani Martin eta Xabier Lopez-ek antolatuta, Legazpiko Udalaren laguntzaz, herriko lehiatzeko 15 ibilgailu berezi ezagutzeko aukera izango dugu.
Auto oso bereziak ekarriko dizkigu bikote honek eta hauek herriko erdigunea jantziko dute larunbatean, La Caixa eta BBVA bitartean kokatuko direlarik, goizeko 11.00etatik arratsaldeko 19.00ak bitartean. “Monoplaza bat izango dugu (formula 1 antzekoa) eta lehiatzeko abiadurazko motorrak ere egongo dira bertan. Guztira hamar auto eta bost motorrek osatuko dute erakusketa, Legazpikoak guztiak”, azaltzen du Xabier Lopezek.
Legazpiar guztiak animatzen ditugu erakusketa honetaz gozatzera!
