Sustraiak dantza taldeak gidaturiko ekitaldi hau, goizago hasiko da, parte hartzaileekin egingo den gosariarekin. 11:00etan elkartuko dira guztiak gosari bikainarekin indarrak hartu eta 12:00etan plazako saioa egiteko. Ondoren, eguraldia lagun kalez kale (eta laguntzen ez badu tabernaz taberna) dantza festak jarraituko du egun guzian herriko kaleetan.
Azken urteotan Mirandaola Egun bezperan egin bada ere ekitaldia, aurtengoan jai egun guztiak jarraian izan direnez, atzeratzea erabaki zen, eta maiatzaren 11n egingo da.
