Urtarrilaren 12an, igandea 11:00etatik aurrera jokatu zen Latxartegi aretoan, Legazpiko VII. Gazteen Aurresku Txapelketaren ligaxkako lehen saioa.
Sustraiak Dantza Taldeak eta Legazpiko Udalak antolatutako txapelketan 25 neska-mutil aritu ziren, bi sailetan banaturik. Hauen artean Sustraiak Dantza taldeko Araitz Mantxola, June Osinalde, Nora Escudero, Nora Lafuente eta Sara Escudero legazpiarrak aritu ziren.
Bi orduko ikuskizunaren ondoren Idoia Besada, Irati Olaizola eta Katerin Artola epaileen arabera,
A saileko txapelketan irabazlea Lezoko Ane Perez izan zen, bigarren Amaiur Iturbe eta hirugarren Irati Perez, hauek ere Lezokoak. Lehenengo legazpiarraren saria Sara Escuderok jaso du, eta irakaslearen saria Nahia Pikabearentzat izan da.
B sailean aldiz, irabazlea Lezoko Lur Lakasta izan zen, bigarrena Nora Escudero eta hirugarrena June Osinalde izan ziren, biak legazpiarrak. Lehen legazpiarraren saria Nora Escuderok eraman du, eta irakaslearen saria Mikel Esnaolak.
Sariak banatzen Miryam Galilea, Legazpiko Kultura Zinegotzia, Naroa Sanchez, Sustraiak Dantza taldeko kidea eta Idoia Besada, Irati Olaizola eta Katerin Artola, Gipuzkoako Euskal Dantzarien Biltzarreko epaileak aritu ziren.
Legazpiarrak, bikain aritu ziren guztiak, ikasturtea indar handiz hasi dutela dirudi.
Sustraiak Dantza taldeak txapelketa hau aurrera eramateko laguntza eskaini duten Legazpiko Udalari, Legazpiko Goiz Deia Txistulari Taldeari eta Gipuzkoako Euskal Dantzarien Biltzarrari eskerrak eman nahi dizkie. Esker hauek dantzari, irakasle eta gurasoei ere luzatu nahi dizkie.
