Montserrateko monasterioan izan da larunbat honetan Inaziotar Bideko Udalen Elkartearen sorreraren topaketa, Katalunia, Aragoi, Nafarroa, Errioxa eta Euskadiko toki administrazioetako ordezkariekin. Inaziotar Bidea igarotzen den bost autonomia erkidegoetako 60 udalerrik parte hartu zuten Montserraten, Legazpi hauen artean. Ekitaldi horretan, Espainian erakunde berri honen sorreraren berri eman zen, eta hau hazten jarraituko du datozen hilabeteetan, udalerri berriak gehituz. Modu koordinatuan lan egitea da planteamendua, Loiola, Azpeitia eta Manresa lotzen dituen ibilbidea osatzen duten lurraldeen erakargarritasun turistikoak ikusarazteko, espiritualtasunaz eta Loiolako San Inazioren irudiaz haratago, potentzial handia eskaintzen baitu.
Ignaziotar Bideko Udalerrien Elkartearen helburua da ibilbidearen 90 herri eta hiriek aterki berean biltzea. Orain arte, 60 udalerrik egin dute elkartearekin bat, tartean Legazpik. Erakundeak lanean jarraituko du datozen hilabeteetan parte hartuko duten udalen kopurua handitzeko. Montserrateko sortze topaketan honako udalerri hauek izan dira: Bellpuig, Castellnou de Seana, Palau d’Anglesola, Preixana, Soses, Tàrrega, Verdú, Vila-sana, Argençola, Castellbell i el Vilar, Castellgalí, Castellolí, Igualada, Manresa, Marganell, Monistrol de Montserrat, Montmaneu, Òdena y Veciana (Catalunia), Alcalá de Ebro, Cabañas de Ebro, Fuentes de Ebro, Gallur, Luceni, Mallén, Novillas, Sobradiel, Torres de Berrellén y Zaragoza (Aragoi), Cortes de Navarra, Genevilla, Lapoblación, Lodosa y Ribaforada (Nafarroa), Logroño, Calahorra, Agoncillo, Alcanadre, Aldeanueva de Ebro, Alfaro, Arrúbal y Fuenmayor (Errioxa) y Asparrena, Campezo, El Villar, Kripan, Laguardia, Lapuebla de Labarca, Zalduondo, Azkoitia, Azpeitia, Legazpi (telematikoki), Urretxu y Zumárraga (Euskadi).
Inaziotar Bideko Udalerrien Elkarteko presidente eta Manresako alkatea den Marc Aloy Guardiak azpimarratu zuenez, "tokiko indarrak eta determinazioak eta udalerriek batzeko duten gaitasunak posible egin dute barneko, kalitatezko eta urtarokotasunik gabeko turismoa sustatzeko elkarrekin jardungo duen erakunde hau". Elkarte berriak Inaziotar Bidearen potentziala aprobetxatu eta turismo eta aukera motor bihurtu nahi du, ibilbideari laguntzen dioten erakargarritasun historiko, ondarezko, paisajistiko, gastronomiko eta komertzialetatik abiatuta.
Inaziotar Bideko 650 kilometro
Inaziotar Bideak Inazio Loiolakoak 1522an Loiolatik (Azpeitia, Euskal Herria) Manresara egin zuen ibilbidea birsortzen du, Lur Santuan bidaiatu aurretik hamaika hilabetez egon zen hiria. Ordutik aurrera, Manresa leku giltzarri bihurtu zen gerora santu izan zenaren bizitzan eta obran. Hiri horretan izan zituen San Inaziok, Jesusen Lagundiaren (Jesuitak) ordenaren sortzaileak, bere obra nagusiaren idazketan inspiratu zuten esperientzia mistiko eta espiritualak: Ariketa Espiritualak. Ibilbidea hogei bat etapatan banatuta dago, eta 650 kilometro egiten ditu bost autonomia-erkidegotan: Euskal Autonomia Erkidegoan, Errioxan, Nafarroan, Aragoin eta Katalunian.
