Legazpiko Herria Antolatzeko Plan Orokor berria idazteko prozesuaren baitan urratsak egiten ari da Udala. Urtarrilaren 22an Aurrerapen agiria onartu zen eta otsailaren 7an Plan Orokorra herritarrekin lantzeko parte-hartze prozesuari hasiera eman zitzaion, aurkezpen ekitaldi baten bidez. Prozesu horren baitan gaur Gizarte Zentroan nagusiekin bildu gara, ekarpen ugari jasotzeko balio izan duen saio interesgarri batean.
Hurrengo pausu gisa, herritar guztientzako irekita egongo diren saioak antolatu dira Kultur Etxeko ikastaro gelan. Hitzorduak hauek izango dira:
- Otsailaren 19an, 18.00tan.
- Otsailaren 21ean, 18.00tan.
Ekintza horren bitartez herritarren ikuspuntu, kezka, gurari, kexa eta iradokizunak ezagutu nahi dira etorkizuneko Legazpi elkarrekin lantzeko.
Gogoratu gainera, Aurrerapena jendaurrean izango den garaian, herritar orok izango duela iradokizun eta ekarpenak egiteko aukera. Iradokizun horiek idatziz udal-erregistro bidez aurkeztu beharko dira.
Planari buruzko informazio gehiago
