Urteak badira San Silbestre lasterketa ospatzen dugula Legazpin, eta aurtengoan, AktiBATU Legazpik antolatuta, herriko gaztetxoek ere beraien lasterketa izango dute.
Abenduaren 31n, goizeko 11.00etan izango dugu San Silbestre Txikia eta gynkana, honetan 8-14 urte bitarteko haur eta gaztetxoek parte hartzeko aukera izango dutelarik. Parte hartzaileek ibilbidean zehar gynkana batean parte hartzeko aukera izango dute.
Honetan oraindik izena eman ez dutenek egunean bertan goizeko 10.45tan udaletxeko atzealdean egiteko aukera izango dute. San Silbestre txikiak kale Nagusia, Plazaola kalea eta Nafarroa kaleak zeharkatuko ditu.
Animatu eta parte hartu!
