Udalak 41.000 euro inguruko aurrekontua erabiliko du Gaztetxeko teilatua konpontzeko
Legazpiko Gaztetxean itoginak zeuden aspaldian, eta arazoari irtenbidea bilatzeko asmoz, teilatua berritzeko lanak egiten ari da Udala. Aurreikuspenen arabera, irail amaieran amaituko dituzte konponketa lanak, eta 41.000 euro inguruko aurrekontua behar izango du.
Eraikinak zeukan arazo tekniko hori konpondu nahi izan du Udalak, gazteen gune libreak behar besteko baldintzak bete ditzan, eta ondorioz, gazteek euren ekintzak (kontzertuak, bakarrizketak eta bestelako jardunaldiak) antolatzen jarraitu ahal izateko.
