Opera izango dugu azaroan eta Richard Wagnerren Parsifal eskainiko da bi zatitan, azaroaren 13an lehena eta azaroaren 20an bigarrena, 18:30ean Kultur Etxeko Areto Nagusian.
“Parsifal” Wagner musikagilearen azkeneko obra da eta egileak berak honela definitu zuen: “jaialdi eszeniko sakratua”. Joan den 1882an eskaini zen lehen aldiz. Abiapuntua Chrétien de Troyesez Perceval ou le Cone du Graal izeneko obra da eta horretan oinarritu zen Wolfram von Eschenbach Parzival izeneko poema idazteko; ondoren “Parsifal” opera Grialari buruzko erdi aroko legendetan dago oinarrituta.
Eduki sinboliko handiko obra da eta Wagnerren obra osoan eragina izan duen berrerorpenaren ideia azaltzen du. “Parsifal”, zoro kastua, norberekeriari eta pasioei uko egitearen bidez gizadia askatzera dator.
PERTSONAIAK
|
Parsifal (Siegfried Jerusalem) |
Jatorri ezezaguna duen gaztea |
Tenorea |
|
Kundry (Waltraud Meier) |
Sorgina |
Sopranoa |
|
Gurnemanz (Kurt Moll) |
Grialeko zaldun beteranoa |
Baxua |
|
Amfortas (Bernd Weikl) |
Grial erreinuko gobernadorea |
Baritonoa |
|
Klingsor (Franz Mazura) |
Aztia |
Baxu-baritonoa |
|
Titurel (Jan-Hendrik Rootering) |
Amfortasen aita |
Baxua |
The Metropolitan Opera Orchestra and Chorus
Zuz. / Dir.:James Levine
Eskainiko den lanaren nondik norakoak biltzen dituen esku-orria areto sarreran izango da.
