Diputazioko Udalekuak (7-13 urte) eta Gazte oporraldiak (14-17 urte) programetan parte hartzeko izen-ematea martxoaren 13tik 22ra egin daiteke, Kultur Etxeko harreran, 10.00etatik 18:00etara edo Interneten. Izen-ematea on line egiteko ez da B@kQrik behar.
Eskaerakbanaka eta taldeka egin daitezke. Taldeko 3 pertsona gehienez.
Plazak zozketa bidez banatuko dira apirilaren 15an.
Eta plaza lortzen dutenek behin-betiko izen-ematea apirilaren 16tik 26ra bitarteanegin beharko dute.
UDALEKUAK (7-13 urte)
Txandak 3 adin taldetan banatzen dira: 7-8 urte; 9-11 urte; 12-13 urte.
7 eguneko jarduerak dira Araba, Bizkaia, Gipuzkoa eta Nafarroako hainbat tokitan.
Kuotak: Kuota orokorra: 138 €.
Kuotak progresiboak izango dira, 2022.urtean izandako diru sarreren arabera.
Kuota murriztuak aplikatuko zaizkie:
- Familia ugariei eta gurasobakarrei: 97 €
- Kategoria bereziko familia ugariei: 69 €
- GLL edo DBE onuradunei edo kide guztiak langabezian dituzten familiei: 21 €
GAZTE OPORRALDIAK (14-17 urte)
Txandak 3 adin taldetan banatzen dira: 14-15 urte, 16-17 urte eta 14-17 urte.
7 eta 10, 11, 12 egun bitarteko jarduerak dira, toki ezberdinetan: Araba, Gipuzkoa, Nafarroa, Gaztela eta Leon, Huesca, Guadalajara, Valentzia, Castelló eta Madril.
Zenbait ekintza, beste autonomia-erkidego batzuetako gazteekin egiten dira.
Kuotak: Bi kuota mota daude:
7 egunekoak (orokorra): 188 € eta 10, 11 edo 12 egunekoak (orokorra): 257 €
Kuotak progresiboak izango dira, 2022. urtean izandako diru sarreren arabera.
Kuota murriztuak aplikatuko zaizkie:
- Familia ugariei eta guraso bakarrekoei: 7 egun, 132 € / 10, 11 edo 12 egun, 180 €
- Kategoria bereziko familia ugariei: 7 egun, 94 € / 10, 11 edo 12 egun, 128 €
- GLL edo DBE onuradunei edo kide guztiak langabezian dituzten familiei: 7 egun, 47 € / 10, 11 edo 12 egun, 64 €
