Legazpiko Udalak L2 H1 furgoneta %100 elektrikoa erosi du udal obretako brigadarentzat. Kontratazio-aurrekontua 50.000 eurokoa zen, eta enpresa bakarra aurkeztu zen lizitaziora. Horrela, Gaursa Autoak S.L.ri erosi zaio 49.953,83 eurotan.
Euskal Autonomia Erkidegoko Jasangarritasun Energetikoari buruzko otsailaren 21eko 4/2019 Legea betez (2019ko otsailaren 28ko Euskal Herriko Agintaritzaren Aldizkarian argitaratu zen), udalak ibilgailu % 100 elektrikoa erosi du, hiri-mugikortasun jasangarria aurrera egiten laguntzeko.
