Sorgintxulo Aisialdi taldeak gogotsu eutsi dio bere jarduerari eta bi urteko etenaren ondoren, aurten kanpaldia Talveila herrian (Sorian) antolatzeko asmoa du uztailaren 15etik 29ra.
Kanpaldian DBH-koek har dezakete parte eta izena eman dezakete datorren ostiralean, martxoaren 18an 17:00etatik 19:00etara, Sorgintxulo taldearen lokalean (Itxaropen auzoa 5, behea-eskubitara).
Gazte bakoitzak gehienez, bere izena eta beste batena eman ditzake.
Prezioa: 300 euro. Guztira 60 plaza daude eta horiek baino gehiagok ematen badute izena, Sorgintxulo taldeak zozketa egingo du hurrengo ostiralean, martxoaren 25ean, 18:00etan, Kultur etxeko areto nagusian.
Sorgintxulo taldeak kanpaldia aurrera eraman ahal izateko Legazpiko Udalaren eta Diputazioaren diru-laguntza jasotzen du.
