Datorren Ekainaren 19an jokatuko da,
GAZTE MAILAKO III. AURRESKU TXAPELKETA NAGUSIA – Gipuzkoar erara – D sailean,
Gipuzkoako Euskal Dantzarien Biltzarrak,
Sustraiak Dantza Taldeak eta Legazpiko Udalak antolatuta,
Kutxa Fundazioaren laguntzarekin.
Ekainaren 6an jokatu zen Errenterian A eta B sailei zegokien saioa.
Legazpin jokatuko den D sailekoen ( 2006 eta 2007an jaioak) saioarekin amaituko da aurtengo Txapelketa, eta Markel Garmendia dantzari legazpiarra arituko da bertan.
Ekainaren 19an, arratsaldeko 4.30ean, Legazpiko Azokan, Goiz-Deia Txistulari taldearen erritmora arituko dira:
- Ane Jaunarena LEZO
- Markel Garmendia LEGAZPI
- Nahia Pikabea LEZO
- Aetz San Sebastian ATAUN
- Iraide Martinez de Albeniz AMASA-VILLABONA
- Eneko Etxaniz ELGOIBAR
- Naroa Arretxe AMASA-VILLABONA
- Jon Etxeberria ELGOIBAR
- Maddi Davila ZIZURKIL
- Endika Osa LEZO
- Araitz Ramos LASARTE
- Olatz Azkue LEZO
- Malen Galarraga ELGOIBAR
- Izadi Urbano AMASA-VILLABONA
Ehun dukat, Aurkez aurke eta Agurra dantzatu beharko dituzte.
Epaimahaia, Gipuzkoako Euskal Dantzarien Biltzarrak izendatutako
kide hauek osatuko dute:
- Jose Luis Vallejo
- Maria Ferreiro
- Nahikari Vizuete
Behin dantzariek beren lana egin eta epaimahaikideek beraiena egin ondoren etorriko da sari banaketa ekitaldia. Ondorengo sariak banatuko dira:
- 1. saria: Buruzagi makila eta garaikurra.
- 2., 3., 4., 5. eta 6. sariak: Trofeoa.
- Jantzi egokienaren saria.
- Liga txapeldunaren saria: Eneko Etxaniz (Elgoibar)
Gainontzeko dantzariek, oroigarria eskuratuko dute.
Edukiera mugak direla eta, gonbidapen txartelak eskuratu beharko dira, Kultur Etxeko Harreran ekainaren 14tik 18ra bitartean, goizez 10:00etatik 13:00etara eta arratsaldez 16:00etatik 19:00etara.
