315 Wp-ko 160 eguzki-modulu fotovoltaiko ari dira instalatzen.
Eguzki-energia fotoboltaikoa eguzki-erradiaziotik elektrizitatea sortzen duen energia-iturria da. Horregatik, jatorriz berriztagarria den elektrizitatea sortzea eguzki-izpiek eguzki-moduluetan zuzenean eragiten duten ordu kopuruaren araberakoa da.
Legazpin, dagoeneko, hainbat udal-eraikinek eguzki-panelak dituzte: Udalak, Urbeltz pilotalekuak, Domingo Agirre eskolak, Haztegi ikastolak eta Ceidak (Brinkolako eskola zaharrak).
Orain, 2021ean, handitu egingo da zerrenda hori, Bikuña kiroldegian 160 eguzki-modulu fotoboltaikoak jarrita; modulu horiek hegoaldera begira daude (+30º) eta horien inklinazioa +20 gradukoa da.
Modulu fotoboltaikoak instalatzeko proposamena Legazpiko herritarrek sustatu zuten parte-hartze bidezko 2019ko aurrekontuetan, baina ezin izan zen 2020an gauzatu, COVID-19ren pandemiaren ondorioz.
Instalatzen ari den eguzki-potentzia fotoboltaikoa, guztira, 50 kW-koa da, eta behe-tentsioko sare elektrikora konektatuko da, soberakinak dituen autokontsumoko erregimenari buruzko apirilaren 5eko 244/2019 Errege-dekretuak xedatzen duen araudiaren esparruan.
Instalazioa egiteko Ekain Taldea SL enpresa kontratatu da, 47.643,15 euroko aurrekontuarekin (BEZa barne).
