Legazpiko Nerabeentzako Zerbitzua
Diputazioa, Iametza komunikazio-enpresa eta
Zumarraga-Urretxuko Gaztebidean gaztelekuarekin batera,
euskararen erabilera sustatzeko, programa pilotu batean
parte hartzen ari da.
Euskara gazteekin zeharka eta era dibertigarri
batean landu nahi da, rap musikaren bidez.
Beat-eroak izena du proiektuak
(beat musika-erritmo baten gainean abesten duten erritmoei deitzen zaielako).
Proiektua aurrera eramateko Iametzaren laguntza teknikoa izango dugun arren,
gazteekin aurrelanketa egin behar da.
Horrela, Legazpiko Nerabeentzako Zerbitzuan pasa den hilean lanean hasi ginen
proiektua eta helburuak gazteei aurkezteko eta taldea osatzeko
eta 12 urteko 8 neskaz osatutako “eit point” taldearekin lanean ari gara,
ostiral arratsaldetan Gazte-txokoan.
Aukeratutako gaia berdintasuna da.
Datozen egunetan rap doinuen erritmoa aukeratu
eta zabaldu nahi duten mezuen inguruan hausnartu behar dute,
guzti hori hizkuntza modu naturalean eta dibertigarrian lantzeko.
Abesti bat sortu beharko dute eta horretan Telmo Trenor
rap munduan aritutako Donostiako beat-maker musikari
ezagunetarikoaren laguntza ere izango dute.
Prozesu honetan grabatutako irudiekin bideoklip bat osatuko da.
Proiektu hau joan den martxoan egiteko asmoa genuen,
baina Covid-aren ondorioz atzeratu egin da.
Zumarraga-Urretxuko Gaztebidean eta Legazpiko Nerabeentzako Zerbitzuan
ateratzen diren emaitzetan oinarrituta,
etorkizunean Beat-eroak Gaztematika sareko gazteleku gehiagotara
zabaltzea izango da Diputazioaren erronka.
Parte-hartzaileen gurasoekin bilera
Datorren asteazkenean, otsailaren 24an,
arratsaldeko 18:30ean, bilera egingo da Gazte-txokoan
Beat-eroak proiektuko parte hartzaileen gurasoekin,
proiektuaren gaineko informazioa emateko.
► Informazio gehiago hemen: https://www.gipuzkoa.eus/eu/web/gazteria/beat-eroak
