Euskaraldia zuen begietatik ikusten lagundu diguzuen guztioi
Dagoeneko astebete pasatxo igaro da Euskaraldiari agur esan geniola.
Aurtengoan 905 legazpiar aritu gara, 783 ahobizi eta 122 belarriprest. Gainera, 140 arigune ere sortu dira herrian.
Euskaraldiak, bestetik, sormena piztu du herrian, eta 105 ipuin jaso ditugu ipuin labur-labur-laburren lehiaketan.
Bizieta Prest legatzen abenturak ezagutu ditugu eta haiekin batera agur esan diogu Euskaraldiari, baina ez utzi belarriprest eta ahobizi izateari.
Argazkiak eskatu eta jaso ditugu hainbat. Horiekin bideoa egin da, Klik egin eta gozatu.
Mila, mila esker eta ez ahaztu Euskaraldiak 365 egun dituela.
