Parte hartu nahi dutenek hilaren 17ra arte eman ahal izango dute izena
Legazpiko Udaleko Gazteria zerbitzuak antolatuta, Haur Hezkuntzako 5. mailako eta Lehen Hezkuntzako 1. eta 2. mailetako ikasleek Mirandaolara irteera egiteko aukera izango dute, larunbatean, maiatzak 20, Sorgintxulo Aisia Taldearen eskutik.
Parte hartu nahi duten guztiak Mirandaolako pilotalekuan elkartuko dira larunbatean bertan, 17:00etan. Arratsaldea jolasean igaroko dute, eta euskararen erabilera bultzatzea izango da helburu nagusietako bat. Arratsaldeko 19:00etan amaituko da ekintza, Azokan.
Parte hartu nahi dutenek asteazkenean, hilaren 17ra bitarteko epea izango dute ikastetxeetan bertan izena emateko.
Euria balitz, ekintza Azokan egingo litzateke. 17.00etan hasi eta 19.00etan amaitu.
