Ekainaren 30ean amaituko da epea eta 2009. urtea baino lehen jaiotakoek eman ahal izango dute izena
Arkatza Elkarteak Kultur Etxean eskaintzen duen Marrazketa eta Pintura ikastaroan 2015-2016 ikasturtean parte hartzeko matrikula epea ekainaren 8an irekiko da.
Matrikula egiteko, horretarako prestatu den matrikula orria bete eta Kultur Etxeko harreran utzi baino ez da egin behar; betiere, ekainaren 30a baino lehen. Matrikula orriak ikastetxeen bidez banatu zaizkie eskoletako ikasleei eta helduek Kultur Etxean eskura ditzakete. Aurten ikasle izan direnek eta jarraitu nahi dutenek ere derrigorrez bete beharko dute matrikula orria.
Taldeak eta ordutegiak matrikulatutako ikasle kopuruaren eta euren aukeren arabera antolatuko dituzte. 18 urtetik beherakoek astean bi egunetan ordubeteko saioa izango dute; helduek, berriz ordu eta erdiko bi saio. Helduek arratsaldeko lehen orduetan aritzeko aukera ere izango dute.
Matrikulatzeko gutxieneko adina 6 urte izango da (2009an jaioak). Haur horiekin talde berezia egingo da. Bestalde, ez dago gehienezko adinik.
Matrikula egiteko orrira sartzeko, sakatu hemen.
