2021 eta 2022 urteetan jaiotakoentzat
Legazpiko haurreskoletan hasteko matrikula zabalik dago etengabe. Haurreskolak Partzuergoak izen-emate bakarra ezarri du apirilean, hurrengo ikasturtea hasteko. Horren ondorioz, urriko eta urtarrileko beste bi izen emate aldiak bertan behera geratu dira; beraz, apirileko izen-ematetik kanpo, 2021ean eta 2022an jaiotako seme-alabak dituen edozein familia zuzenean joan daiteke Legazpiko bi haurreskoletako edozeinetara, ikasturtean zehar hasteko.
Dakizuenez, Legazpin 2 haurreskola daude: San Juan Haurreskola eta Itxaropen Haurreskola. Biak publikoak dira, Haurreskolak Partzuergokoak, Eusko Jaurlaritza eta udalerrien arteko hitzarmenetik sortutakoak.
Haurreskolen helburu nagusia
Haurreskolen helburu nagusia familiei hezkuntza- eta laguntza-zerbitzua ematea da. Haurreskolek 0 eta 2 ur bbitarteko haurren zaintza integrala eta hezkuntza hartzen dituzte kontuan, haurren gaitasun fisikoak, afektiboak, sozialak eta intelektualak behar bezala garatzen laguntzeko.
Oro har, Partzuergoko haurreskolen ordutegia 7:45etik 16:00etara da. Familia-beharren arabera, 7:30etik 18:30era arte luzatu ahalko da, betiere gutxienez 3 haur batera egonez gero. Haurrak ezingo dira egunero 8 ordu baino gehiago haurreskolan egon.
Haurreskola bakoitzaren funtzionamendua ezagutzeko edo edozein zalantza argitzeko, haurreskolekin jar zaitezkete harremanetan, e-postaz edo telefonoz, 9:00etatik 14:00etara.
|
San Juan Haurreskola San Juan auzoa, 17 Tel.: 687 26 56 39 (berria) E-posta: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. |
Itxaropen Haurreskola Itxaropen auzoa, 15-16 Tel.: 943 73 37 78 E-posta: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. |
Informazio gehiago www.haurreskolak.eus Informazio orokorra / Familiak atalean
