Urriaren 30ean, 11:00etan, Euskal Burdinaren Museoan
Alvaro Aragon adituaren eskutik, Euskal Herriko baso tradizionalaren ezinbesteko osagai diren zuhaitz lepatuak edo zuhaitz motzak ezagutuko ditugu. Balio kultural eta historikoa izateaz gain, XIII. mendetik eta ia 600 urtez garatzen joan zen baso-kudeaketa jasangarri baten lekuko ere badira.
Modu honetan, mende luzez, gure arbasoek basoaren kudeaketa jasangarria egin zuten eta beraiengandik asko dugu ikasteko.
Bisita borobiltzeko, Mirandaolako burdinola martxan ikusteko aukera izango dugu.
Jarduera hau Lenbur Fundazioak antolatu du 2022ko Ondarearen Europako Jardunaldien barruan.
7 euro. Plaza mugatuak. Bisita komentatua+ burdinola martxan.
Izena emateko Mirandaolako turismo bulegoan 943730428
