Aldundiak 671.136,43 euroko inbertsioa egingo du herriaren mutur banatan dauden bi tarteko bidezorua guztiz berritzeko.
Gipuzkoako Foru Aldundiak Legazpin GI-2630 errepideko bi tarte hobetzeko obrak esleitu ditu eta uztailean zehar hasiko ditu birgaitzen lanak.
Berrituko diren bi errepide tarte horiek herriaren mutur banatan daude; lehendabizikoa, Olaondoko biribilgunetik hasi eta industriaguneko zuzengune guztia da (baskularen kurbaraino), eta bigarren tartea Bikuñako biribilgunetik Zerainera doan GI-3520 errepidearen bidegurutze artekoa. Lanek irauten duten bitartean trafikoa txandaka bideratuko da.
Errepide-zorua guztiz berrituko da tarte bakoitzak daukan trafiko motaren arabera eta gainean bost zentimetroko errodadura geruza aplikatuko da.
Firmearekin batera ohikoak diren hainbat drenatze hobekuntza ere egingo dira.
Guztira inbertsioa 671.136,43 eurokoa da.
Trafikoa alternoa jarriko da obrak irauten duten bitartean.
