“Arauak eta mugak familian: nola ezarri modu asertiboan” hitzaldia izango dugu datorren asteazkenean, otsailaren 16an, 18.00etan Kultur etxeko areto nagusian, Leyre Cano psikopedagogoaren eskutik.
Hitzaldia elebidun izango da eta haur eta nerabeen gurasoei zuzendutakoa da. Bi kidez osatutako familien kasuan, biak etortzea gomendatzen da.
Hitzaldia TREBA Gurasoak programaren barruan kokatzen da. Legazpiko Udaleko Haur, Nerabe eta Gazteen Zerbitzuak sustatuta, herriko ikastetxeekin elkarlanean eta Gipuzkoako Foru Aldundiko Gazteria Zuzendaritzarekin lankidetzan.
