.: Legazpiko Udala :. Webgune ofiziala .: Ayuntamiento de Legazpi :.

Udalak 169 saltoki, ostalaritza eta zerbitzu-enpresa txiki lagundu zituen krisiari aurre egiten.

Legazpiko enpresa txikiek ere sufritu dute pandemiaren ondorioz.

Egoera horretan, Legazpiko Udalak ahalegin berezia egin zuen 2021ean merkataritza, ostalaritza, zerbitzu eta mikroenpresei oro har laguntzeko.

Laguntzak honako programa hauen bidez antolatu ziren:

• On Egin bonuak, ostalaritzako kontsumoa dinamizatzeko.
• Ostalaritza eta turismo sektoreentzako laguntzak, jardueraren gastu finkoei aurre egin ahal izateko.
• 3K bonuak, tokiko merkataritzan eta zerbitzuetan erosketak dinamizatzeko.
• Enpresa txiki eta ertainen lehiakortasuna hobetzekoeta tokiko merkataritza biziberritzeko laguntzak. Inbertsioak  egiten laguntzea zen helburua.
• Euskadi Bono Dena:Udalak dirua jarri zuen Eusko Jaurlaritzako Merkataritza Sailaren programan, Legazpiko saltokiek bonu gehiago izan zitzaten.

Guztira, Legazpiko Udalak 210.938 €-ko diru-laguntzak eman zituen, egindako 169 eskaerei erantzunez.

Horrez gain, kanpaina horiei dagozkien beste gastu batzuk ere kontabilizatu dira, hala nola erabilitako materialak (kartelak…) edo udal-langileen dedikazioa. Horrekin guztiarekin, Legazpiko Udalaren ekarpena 234.111 €-koa izan zen.