Gaurtik, abenduaren 15etik aurrera, nahitaezkoa izango da COVID txertaketa-ziurtagiria eremu gehiagoetan aurkeztea. Neurri hori gaixotasuna komunitatean transmititzea saihesteko eta jarduerak modu seguruagoan egitea errazteko hartu da.
Udalak COVID ziurtagiria eskuratu nahi duten herritarrak lagundu nahi ditu agiria lor dezaten, Zuzenean zerbitzuaren bulegoetara joan beharrik gabe. Pertsona horiei guztiei gure Herritarrentzako Arreta Zerbitzua eskaintzen diegu.
Bertan, jakina, modu autonomoan lortu ahal izango dute, beti herritarren eskura egon diren ordenagailuan eta inprimagailuan. Baina, horrez gain, udal-langile baten laguntza pertsonala izango dute.
Lagundu ahal izateko, Herritarrentzako Arreta Zerbitzura joan behar duzue OSAKIDETZAko txartelarekin edo zure NANarekin eta zure telefono mugikorrarekin.
Ziurtagiria eskuratzeko, titularraren telefonoan jasotzen den pasahitz bat behar da; beraz, OSAKIDETZAN erregistratuta ez badago, ezin izango da ziurtagiria eskuratu.
COVID ziurtagiriari buruzko informazio gehiago nahi izanez gero, OSAKIDETZAren web-orria kontsulta daiteke: EB-ko COVID Ziurtagiri Digitala
