Irailaren 18an, larunbata, 19:00etan Haztegi Ikastolako PatioanIndar bisual handiko proposamena da, Hutsuneko bi txalapartarien eta Ortziren eskutik.
Ortzi zirku-artista aditua da. Akrobazioak, txalaparta-erritmoaren ariora, planeta orekatura itzuli beharra dagoela aldarrikatzeko.
Sinopsia:
Bi pertsonaiak orekan eta erabateko harmonian bizi dira Urbasako basoetan. Bat-eginik daude inguruko naturarekin. Izadia, ordea, mehatxupean dago, gizabanako diruzale bat etorri baita, industrializazioak eta diruak barrena janda. Ezin da bi munduen arteko gatazka eragotzi.
Ikuskizunerako sarrera-gonbidapenak, ohi bezala Kultur Etxeko Harreran jaso ahal izango dira,
edo 943737202 telefonora deituz gorde, Irailaren 14tik 17ra.
Eguraldi txarra balitz, emanaldia Azokan eskainiko da.
