Bi data izaten ditugu gogoan apirilean:
apirilak 2an Haur eta Gazte Liburuaren Nazioarteko eguna eta apirilak 23an Liburuaren eta Jabego Intelektualaren Nazioarteko Eguna.
Aitzaki horrekin Udal Liburutegiak antolatu izan dituen ipuin kontaketa saio, bisita gidatu eta euskal idazleekin herriko ikasleek egin izan dituzten solasaldiak bertan behera geratu dira aurtengoan.
Irakurri, Gozatu eta Oparitu egitasmoa berriz, aurten ere martxan jartzeko asmoa zegoena, atzeratu egin da, data zehatzik gabe…
Baina bi irakurle taldeen bilerak egingo dira:
Apirilaren 23an, osteguna, (Nazioarteko Liburuaren eguna):
Euskarazko taldearen bilera http://meet. jit.si/ plataforma erabiliz. 18:30ean, bakoitza bere etxetik, Miriam Luki gidari dela, Patxo Telleriaren "Simplicissimus" antzerki lanaren inguruan.
Apirilaren 29an, asteazkena:
Gaztelerazko taldearen bilera, liburutegiko Whats App bidez (639851172). 18:30ean, Monica Leiva gidari dela, Mari Romero legazpiarraren "La casa de la buhardilla" liburuaren inguruan. Egileak berak ere parte hartuko du.
Bide batez gogora ekarri nahi dugu, Liburutegiak erabiltzaileentzat ateak itxita baditu ere langileak lanean ari direla eta herritarren zerbitzura jarraitzen dutela
- telefonoz: 943737186,
- e-postaz: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. edo
- WhatsaAppez: 639851172, astelehenetik ostiralera 10:00etatik 14:00etara.
