Udal Liburutegiko irakurketa suspertzeko ekintzak ipuin kontaketa saioen hasierarekin, ohiko bidea hartuko dute, udako etenaldiaren ondoren.
Joan den astean hasi ziren irakurketa taldeen saioak.
Eta urriaren lehen ostiralean ekingo zaie ipuin kontaketa saioei, 18:00etan.
Lehen saio honetan, Amaia Puin kontalaria arituko zaigu, 3-5 urte bitarteko haurrekin.
Urriko saio honetan gainera, haurrek hala nahi izanez gero, heldu batekin sartzeko aukera izango dute,
batzuentzako lehen aldia izango den honetan babestuago sentitu daitezen,
eta bide batez gurasoek ere ezagutu dezaten liburutegiak egiten duen eskaintza hau.
