Legazpiko Udalak Haurren uda ikastaroa antolatu eta eskainiko du aurtengo uztailean.
Gaur zabalduko da bertan parte hartu nahi duten haurren izenak jasotzeko epea.
Izena emateko orriak ikastetxeetatik jasoko dituzte gurasoek eta, bete ondoren, haurraren tutoreari entregatu beharko diote.
Edozelan ere, udaletxeko harrera bulegoan eskuragarri egongo dira izena emateko orriak.
Parte hartu ahal izango dute 2009 eta 2016 urte bitartean jaiotako haurrak (biak barne)
Uda ikastaroa uztailaren 1etik 24ra izango da aurten.
Matrikulazio epea: maiatzaren 6tik 17ra.
