Maiatzeko jaiak gero eta gertuago dauden honetan, ekitaldien prestakuntzak aurrera doaz.
Hasiak dira dantza ikastaroak, pilota txapelketetako azken txanpak eta datozen egunetan danborradetarako entseguak ere hasiko dira.
Apirilean zehar egingo dira haur-gazte danborrada eta helduen danborradetarako entseguak Haztegi Ikastolako atzeko pilotalekuan:
- Haur-Gazte danborrada: Apirilak 12 eta 16 , 18:00etan.
- Herri Danborrada: Apirilak 9, 12, 16, 23 eta 26an, 20:00etan.
Bi kasuetan entsegu Orokorra Apirilaren 29an, astelehena, egingo da Domingo Agirreko Pista estalian.
