Udako oporrak direla medio, Nerabe Zerbitzuak ateak itxiko ditu bihar, eta ez ditu irekiko irailaren 8ra arte. Bihar, halaber, dantza ikastaroa amaituko da, eta ekitaldia egingo dute Latxartegi Aretoan, 11:00etan.
Irailaren 8an, ohiko ordutegia izango du berriro zerbitzuak. Gazte Txokoa, esaterako, irekita egongo da astearte, asteazken eta ostegunetan, 16:30etik 19:30era, eta ostiral, larunbat eta igandetan, 17:00etatik 20:30era.
Kaleko zerbitzua, berriz, asteartetan, 19:00etatik 20:00etara, eta ostiral eta larunbatetan, 16:00etatik 17:00etara izango da. Eta, azkenik, sare sozialak, asteazken eta ostegunetan, 19:00etatik 19:30era, eta igandetan, 16:30etik 17:00etara.
Oporren bueltan, Agorreko Santikutzak direla tarteko, zerbitzua itxita egongo da irailaren 12an eta 13an.
