Legazpiarrek haurrentzako ur-zurrusten parkea non jarri aukeratu behar zuten. Bi aukera zeuden: Juanastegi eta San Ignazio. Azken hori izan da leku bozkatuena. Guztira 493 boto zenbatu dira eta, horietatik, 365 San Ignaziorako izan dira eta 128 Juanastegirako.
Horrela, parkea non kokatuko den aukeratuta, orain baldintza-agiriak idatziko dira, ur-zurrusten parkea 2024ko udarako prest egon dadin.
Proiektu horrek 250.000 € inguruko kostua izango duela aurreikusten da; garestiagoa da, eta hori ingurumenarekin duen konpromisoagatik da, hau da, parkeko ura zirkuitu itxi bidez berrerabiliko da (igerilekuen antzeko sistema), eta araudiak ezarritako osasun-baldintzak bermatuko dira beti.
