Legazpi erabat murgilduta dago Irene Paredes kirolari eta munduko txapeldun ospetsuari egingo dion omenaldia prestatzeko lanetan. Datorren abenduaren 30ean izango da eta omenaldi honen helburua, Irene Paredes herritarrak kirol-arloan egin duen ibilbidea eta lorpenak aitortzea da. Legazpin jaiotako futbolariak aztarna ezabaezina utzi du futbolaren munduan, eta bere dedikazioagatik, talentuagatik eta kirolari egindako ekarpenengatik nabarmendu da.
Ekitaldia bere izena duen futbol-zelaian egingo da, eta arreta eta maitasun handiz antolatzen ari da, bai eta diskrezio handiz ere, benetako ezustekoa izan dadin.
Legazpiar guztiak gonbidatuta daude ospakizun horrekin bat egitera; izan ere, Irene Paredesek futbolean izandako arrakastak gogoratu eta goraipatzeaz gain, etorkizuneko belaunaldientzat erreferente eta eredu gisa Irenek izan duen eta duen eragina aitortzea da ospakizun horren helburua. "Nazioarteko kirol-agertokira Legazpiren izena harrotasunez eraman duen kirolariari eskerrak emateko egun ahaztezina izango da”.
