Legazpiko Andraitz saskibaloi klubak saskibaloi eskolen topaketa antolatu du igande honetarako, hau Domingo Agirre ikastetxeko kantxan aurrera eramango delarik. Andraitzekin batera beste hiru talde izango ditugu: Arrasateko Ointxe-Ikerlan, Oñatiko Aloña Mendi eta Urretxu-Zumarragako Goierri-Frutas Martinez kimu mailako taldeak.
- Lehen partida Andraitz eta Goierri taldeen aurkakoa izango da, goizeko 10:00etan.
- Ondoren, 10:50ean Goierri eta Ointxe arituko dira lehian;
- 11:40ean Aloña Mendi eta Andraitz; eta azkenik,
- 12:30etan Ointxe eta Aloña Mendiren arteko partidua hasiko da.
