Ikasturte berriarekin batera, Legazpiko udaleko Haur, Nerabe eta Gazteen zerbitzuak nerabeak eta gurasoak gonbidatzen ditu Nerabeentzako Zerbitzua ezagutzera emateko antolatutako “ate irekiak” saioetan parte hartzera.
Horrela, gaur goizean bertan, eskola-ordutegian, DBH-ko 1. mailako ikasleek, irakasleekin batera, lanean ari diren profesionalak eta zerbitzuaren funtzionamendua ezagutzeko aukera izan dute. 10.30ean Haztegi ikastolaren txanda izan da eta 11.30ean Olazabal institutuarena.
Urriaren 18an, 18.00etan, Gazte-txokoanDBH-ko ikasle guztien, hau da, 1. mailatik 4. mailara bitarteko ikasleen gurasoek, gertutik ezagutuko dute eskaintzen den zerbitzua eta zerbitzu hori nerabeak dauden tokietan eskaintzen dela jakingo dute, hau da, Gazte-txokoan, kalean eta sare sozialetan.
Gogora ekarri nahi dugu 11 eta 17 urte bitarteko nerabeei zuzendutako zerbitzu sozio-hezitzailea dela. Gazteek aukera paregabea dute euskaraz modu aktiboan parte hartzeko, aisialdiaz gozatzeko eta lagunekin egoteko.
Behean zehazten dira batetik, gurasoei arreta emateko ordutegia eta, bestetik, eremu bakoitzean nerabeei arreta emateko ordutegia:
Gurasoentzako arreta:
Asteazkenetan 11.00 – 13.00
Nerabeentzako arreta:
►Gazte-txokoan
Asteazkena eta osteguna 17.00-19.30
Ostirala, talde proiektua 14.00-17.00
Larunbata eta igandea 17.00-20.00
►Kalean
Asteazkena 16.15-17.00
Osteguna 16.00-17.00
Ostirala 18.00-19.00
Larunbata 16.00-17.00
Igandea 16.30-17.00
►Sare sozialetan
Asteazkena 15.30-16.15
Osteguna 15.30-16.00
Ostirala 17.00-18.00
Larunbata 15.30-16.00
Igandea 16.00-16.30
