Urriaren 18ko Beltxargen Aintzira balletaren emanaldiarekin emango zaio hasiera ikasturte berri honetako Musika eta Arte Eszenikoak DVDan zikloari. Saio bakarrean eskainiko da Kultur Etxeko Areto Nagusian, 18:30ean hasita.
Ballet klasikoaren obra ezagunenetarikoa da munduan.
Moskuko Bolshói antzokian eskaini zen lehen aldiz 1877ko martxoaren 4an, Julius Reisinger maisuaren koreografiarekin. Baina garai haietan ez zen oso ondo hartu obra. Aldiz, 1895eko urtarrilaren 15ean, Marius Petipa eta Lev Ivanov maisuen koreografia berriarekin aurkeztu zen eta arrakasta handia lortu zuten San Petersburgo hiriko Marrinsky antzokian. Marius Petipa lehenengo eta hirugarren ekitaldiez (gaztelukoak) arduratu zen eta Lev Ivanov izan zen bigarren eta laugarren ekitaldien (lakukoak) ardura hartu zuena.
FITXA TEKNIKOA
Musika: Pitr Ilich Tchaikovsky
Koreografia: Marius Petipa eta Lev Ivanov
Libretoa: Vladimir Beghitchev eta Vasili Geletzer
PERTSONAIAK
|
Odette – Odile |
Ulyana Lopatkina |
|
Siegfried printzea |
Danila Korsntsev |
|
Erregina |
Alexandra Gronskaya |
|
Tutorea |
Pyots Stasiunas |
|
Jester |
Andrei Ivanov |
|
Rothbart |
Ilya Kuznetsov |
Mariinsky Theatre Version (San Petersburgo)
Zuz.: Valery Gergiev
IRAUPENA:128 min.
Eskainiko den lanaren nondik norakoak biltzen dituen esku-orria areto sarreran izango da.
