Egun hauetan iragarrita dagoen beroa dela eta, tenperatura 38º baino altuagoa izandaiteke Euskalmet-ek esandakoaren arabera, aholku batzuk luzatu nahi zaizkie herritarrei.
Tenperatura 38ºC-tik gorakoa denean, garunak nekez erantzuten du; horregatik, oso garrantzitsua da eguzkitan luzaroan ez egotea, batez ere egunaren erdiko orduetan, deshidratazioa eragin baitezake eta digestio-etenak ere egon baitaitezke.
Eusko Jaurlaritzako Segurtasun sailetik adierazi dutenez, bihar asteazkena eguerdiko 12etatik 21:00etara Alerta Laranja iragarrita dago muturreko tenperatura oso altuengatik eta horrez gero, Osasun Sailetik Gomendio batzuk jarraitzea aholkatzen dute.
- Ondo hidratatu! Ura eta likidoak edaten ditu maiz.
- Jan elikagai arinak: entsaladak, gazpatxoa, barazkiak eta frutak.
- Arropa lasaia, arina eta transpiratzen duena erabili.
- Ez irten kalera eta jarduera fisiko handia egin bero handieneko orduetan.
- Irteten bazara, eraman burua estalita eta bilatu itzala. itxi leihoak, eta jaitsi eguzkiak jotako leihoetako pertsianak; bero gutxieneko orduak baliatu etxea haizatu eta freskatzeko.
- Etxea fresko eduki, pertsianak jaitsi eta leihoak itxi bero egiten duen orduetan.
- Bero handia sentitzen baduzu, freskatu gorputza, aurpegia eta eskuak ur freskoarekin.
- Eduki zure botikak leku fresko batean.
- Arreta berezia eskaini haurtxoei, adingabeei, adinekoei, haurdun dauden emakumeei eta bularreko haurrei eta gaixotasun kronikoak dituztenei.
- Bisitatu zure adineko pertsonak, bereziki bakarrik bizi badira.
- Ez utzi inoiz pertsona edo animalia bat aparkatuta eta itxita dagoen ibilgailu batean, itzalpean egon arren.
- Ordubete baino gehiago irauten duten eta beroarekin lotuta dauden sintomen aurrean, osasun-arreta bilatu eta leku fresko batean egon.
- Norbait konorterik gabe badago eta botaka egiten badu, buruari eragin eta airebideak libre eduki.
Larrialdi bat egonez gero 112 zenbakira deitu.
