Maiatzaren 4tik 16ra egongo da irekita Kultur Etxeko harreran, maiatzaren 15ean hasi eta ekainaren 9an amaituko den oinarrizko argazkigintza ikastarorako izen ematea.
Ikastaroa Ikatza Argazkilari elkarteko kideek eskainiko dute. Saioak astelehen, asteazken eta ostegunetan izango dira 19.00etatik 21:00etara, elkarteak Kultur Etxean duen egoitzan, nahiz eta eguraldiak baimentzen duenetan kalean ere egingo diren saioak.
Kostua 50€ izango da eta ikastaroko lehen egunean adieraziko da nola egin behar den ordainketa. Plaza mugatuak daude ikastaroa egiteko, eta izen emate ordena jarraituko da ikaslegaiak onartzeko.
