Maiatzeko jaiak gero eta gertuago dauden honetan, ekitaldien prestakuntzak aurrera doaz. Hasiak dira dantza ikastaroak, pilota txapelketetako azken txanpak eta Haur-gazte Danborradako entseguak.
Maiatzaren 2an kaleak hartuko dituen Herri Danborradaren txanda dugu oraingoan, eta finkatu dituzte entsegu egunak:
Apirilak 11, 14, 18, 21 eta 25, 20:00etan Haztegi Ikastolako atzeko pilotalekuan.
Entseguetara etortzea ezinbestekoa da, aurten ohi baino arrazoi gehiagorekin, aurtengoan pieza berri bat joko baita.
Danborradan parte hartu nahi baduzu, eta konpainiarik ez baduzu, lasai, Apirilaren 11,14,18 edo 21eko entseguetan izena eman ahal izango duzu, entsegura azalduta. Zenbat eta azkarrago egin izen ematea hobe.
Entsegu orokorra, Legazpi Musika Bandarekin: Apirilak 27, osteguna, 20:00etan Haur-gazte danborradakoak eta 21:00etan Herri Danborradakoak Domingo Agirre Ikastetxeko Kantxa estalian.
