Hobekuntza-lan hori Aizkorri kaleko 26. zenbakian dagoen oinezkoen pasabidean egingo da.
Helburu nagusia bidearen akabera hobetzea da, bai eta Irene Paredes Kirol gunera eta Bikuñaenea plazara sartzeko bideak irisgarri izatea. Gaur egun bertan dagoen oinezkoen pasabidea ez da irisgarria eta zoladurak pitzadurak ditu.
Gune horretan, bidea galtzada-harriz bukatuta dago, eta espaloiak berriz, baldosa hidraulikoz. Jarduketa 112,00 metro karratuko azaleran egingo da.
Hauek izango dira egingo diren lanak: bidean galtzada-harrizko imitazioa duen asfalto urtua jarriko da eta espaloiko zoladuran baldosa hidrauliko zuria jarriko da, baldosa hidrauliko gorrien eta baldosa direkzionalen zerrenda apaingarriekin.
Jarduketaren aurrekontua 19.803,64 €-koa da, eta “Construcciones MB Antio, SLL” enpresak egingo du.
- Obrak otsailaren 22an hasiko dira, eta 3-4 aste inguru iraungo dute.
- Aizkorri 20ko biala norantza bikoitza izango du. Beraz, karga-deskarga ezin izango da erabili.
