Otsailaren 13rarte egin ahal izango da Kultur Etxean otsailean bertan abiatuko diren bi ikastaro huetan parte hartzeko izen emateak. Hona ikastaroen berri:
ARGAZKI IKASTAROA
Otsailaren 16an hasiko den Oinarrizko Argazki ikastaroa martxoaren 12an amaituko da eta saioak astelehen, asteazken eta ostegunetan izango dira 19:00etatik 21:00etara. Ikastaroaren kostua 50 €takoa izango da eta ikastaroko lehen egunean ordaindu beharko da. Ikastaroa Ikatza Argazkilari Elkartearen egoitzan eskainiko da. Plaza mugatuak: 20.
GAZTETXOENTZAKO ESKULAN IKASTAROA
Irule Elkartek sustaturik Otsailaren 27an abiatuko den Gaztetxoentzako eskulan ikastaroan parte hartzeko gutxieneko adina 8 urte (LH3) izango da. 15 ordutako ikastaroa izango da, ostiraletan 17:00etatik 18:30etara, eta maiatzaren 22an amaitzea aurreikusten da. Ikastaroan landuko direnak: Eva Gomazko eskulanak, galtzerdi eta toallekin egindakoak, kafe kapsulekin eginak,… Ikastaroaren kostua 25€takoa izango da eta ikastaroko lehen egunean egin beharko da ordainketa. Ikastaroa Irule Elkartearen egoitzan eskainiko da (Euskaltegiko ganbaran). Plaza mugatuak: 12.
