Abendutik aurrera San Juango zein Itxaropeneko haurreskoletan hasi nahi dutenei zuzendua
Datorren astelehenean, urriak 2, irekiko da
Legazpiko bi haurreskoletan izena emateko epea,
eta urriaren 9ra bitarte egin ahal izango da.
Abenduan, urtarrilean edo otsailean hasteko asmoa dutenei zuzendutako deia da.
Legazpin bi haurreskola daude:
“Legazpiko San Juan Haurreskola” eta “Legazpiko Itxaropen Haurreskola”.
Biak udaletxeko eraikinetan kokatuta daude
eta biak publikoak dira, “Haurreskolak” Partzuergokoak.
San Juan Haurreskolan, 19 plaza libre daude:
12 plaza, 0-1 urtekoen gelan;
eta 7 plaza, 1-2 urtekoen gelan.
Itxaropen Haurreskolan, berriz, 8 plaza:
6 plaza, 0-1 urtekoentzat;
eta 2 plaza, 1-2koentzat.
Araudiaren arabera,
ez dago udalerriko haurren arteko desberdintasunik
norberaren bizilekutik haurreskolarekiko gertutasunari dagokionez.
Beraz, aipatutako haurreskoletan
izena emateko aukera familia bakoitzaren esku geratzen da.
Informazio gehiago eskuratu daiteke www.haurreskolak.eusweb gunean,
non bideoak eta foiletoak azalpenekin topatu daitezkeen.
Beste aukera da zuzenean haur-eskoletara joatea,
aurretik hitzordua adostuta.
|
San Juan Haurreskola San Juan auzoa, 17 Tel.: 943 73 04 34 E-posta: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. Ordutegia: 7.30-17.00 |
Itxaropen Haurreskola Itxaropen auzoa, 15-16 Tel.: 943 73 37 78 E-posta: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.Ordutegia: 7.30-16.30 |
