Apirilean amaituko dira urrian martxan jartzen diren hainbat ekimen. Horietako bat dugu Musika eta Arte Eszenikoak DVDan zikloa. Amaierarako, Miguel de Cervantes idazleak idatzi zuen Mantxako On Kixote eleberrian oinarritzen den lana eskainiko da, liburuaren hilabetea den honekin bat eginez. Nureyev handiaren bertsioa da eskainiko dena, eta lana, batez ere, “Camachoren ezkontzak” (Gamache balletean) izeneko obran, bigarren zatiko XIX. kapituluan kontatzen denean; atal horretan Basilio bizarginaren eta Quiteria (Kitri balletean) gaztearen arteko erromantzea kontatzen da.
Emanaldia Kultur Etxeko Areto Nagusian, eskainiko da apirilaren 5ean, asteazkena, 18:30etatik aurrera. Ohi bezala, aretoaren sarreran izango dituzue eskainiko den lanaren nondik norakoak biltzen dituen esku-orria.
