Martxa Nordikoa edo Nordic Walking pertsona guztientzat egokitutako eta oso errez ikasten den kirol bat da. Bastoi batzuk besterik ez dira behar oinez ibiltzen zaren bitartean. Kiroletan aditu eta medikuen artean garatutako ekintza bat da eta egoera fisikoa hobetzen du neke sentsazio baxuarekin. Finlandian du jatorria 1.930 urtean. Udaran eski nordikoa egiten zuen talde bat hasi zen entrenatzen eskiko bastoiak erabiliz korrika egiten zuten era berean. Denborarekin entrenamendu mota hau ohikoa bihurtu zen eskialarientzat denboraldiaz kanpo egoera fisikoa mantentzeko.
Kirol mota hau egiteak onura asko ditu osasunarentzat. Martxa nordikoko saio batek, korrika saio baten balioa du eta ondoren gure gaitasun kardiobaskularra garatzen du. Bastoiak erabiltzean korrika edo oinez erabiltzen ez diren muskuluak erabiltzen dira (besoak, bularra, bizkarra, abdominalak). Gihar hauek erabiltzeak kalorien gastua handitzea suposatzen du eta orduko 400 kaloriatik gorakoa da gastua. Horretaz gain, pisua bastoietan banatzeak, txorkatilen eta belaunen presioa arintzen du.
Martxa nordikoaren teknika oinez ibiltzeko modu naturalean oinarritzen da eta batez ere puntu hauetan:
· Bizkarra erlaxatua mantendu.
· Bastoiak arinki hartu.
· Bastoiak diagonalki erabili behar dira.
Bastoiak pelbisaren atzetik bultzatu behar du. Bultz egin ondoren bastoia bixkor aurrerantz eraman behar da. Bultzakada bukatzean eskua ireki.
Aurreratzen den oina, kontrako eskuarekin batera doa. Oina oso-osoa jarri lurrean orpotik behatzetara. Ariketa aerobikoa da eta beste kirol desberdinekin batera egin daiteke potentzia eta malgutasuna lantzeko.
Edozein pertsonak egin dezake eta lortzen diren onurak handiak dira nahiz eta patología izan; diabetesa, osteoporosia, gaitz onkologikoak, etab.
Ez da soilik bastoien bidez ibiltzea, ariketa fisikoa egiteko beste modu bat da eta beste batzuen artean abantaila hauek ditu:
Gure gorputzeko %90 giharrak lantzen dira, beste modu batera soilik %60ra iristen gara.
%45 kalori gehiago kontsumitzen ditugu beraz erabiltzen dugun denbora aprobetxatzen dugu. Pisua galtzen languntzen digu.
Artikulazioetan korrika egiterakoan jasatzen dugun presioa arintzen da. Bizkarezurreko muskuluak indartzen dira.
Kolesterola, bizkarezurreko mina eta odolaren presioa arintzen dira.
