Ekainaren 3rarte egongo da ikusgai 17:30etatik 20:30etara.
Maiatzaren 23an ireki zen Arkatza Elkarteak Kultur Etxean eskaintzen dituen Marrazketa eta Pintura ikastaroan ikasleek aurtengo ikasturtean egin dituzten lanez osaturiko erakusketa. Bertan ikasle heldu, gazte zein haurrek egin dituzten lan desberdinak ikusi ahal izango dira, eta eginiko lanaren emaitza erakusteaz gain, egin eta ikasi daitekeenaren erakusgarri ere izan nahi du erakusketa honek.
Bide batez, uztailean eskainiko den ikastaro berezirako izena emateko epea maiatzaren 27an amaituko dela gogora ekarri nahi dizuegu, eta datorren ikasturterako matrikula ekainean egin beharko dela, horretarako eskura jarriko diren orriak betez.
