Domingo Agirre ikastetxeko Lehen Hezkuntzako bosgarren eta seigarren mailetako ikasleak Legazpiko udaletxera hurbildu dira gaur goizean, Emakumearen Nazioarteko Eguna dela eta. Eric Gálvez Alkateak, berdintasun zinegotzia Josu Santurde eta hezkuntza zinegotzia Edurne Matiasek harrera egin diete.
Udaletxeko Osoko Bilkuren Aretoan, ikasleek azken asteetan Emakumearen Nazioarteko Eguna dela eta ikastetxean landutakoa partekatu dute; Chimamada Ngozi Adicheren "Guztiok izan beharko genuke feminista" izan da horietako bat. Ondoren, Kilimaken "Aske maite" dantzatu dute eta, azkenik, udaletxearen atzeko balkoian "Pausoz pauso, emakumeak aurrera!" leloa duen pankarta kokatu dute, asteburu osoan zehar ikusgai egongo dena.
Ikusi dantzatutako Kilimaken “Aske Maite”
