Saturnino Telleria kaleko 1. zenbakian dagoen ikasteko gela -ikasgela- uztailaren 7ra arte erabil daiteke.
2022-2023 ikasturteko bigarren aldi honetan 37 txartel banatu dira. Datozen egunetan, zerbitzuaren erabilera neurtu eta erabiltzaileen iritzia jasoko dugu. Ondoren, balorazioa egin eta gero, hurrengo ikasturterako eskaintza prestatuko dugu eta txartelak berriro programatuko ditugu.
Horregatik, Hezkuntza Zerbitzutik gogora ekarri nahi dugu txartela oraindik itzuli ez dutenek lehenbailehen itzuli beharko dutela. Txartelak uztailaren 12a baino lehen entregatu behar dira Kultur Etxeko harreran. Ordutegia: 08:30-14:00.